Genoeg vir 4 mense
Bereiding: 10 min.
Gaarmaak: 10 min.

1 ui, gekap
1 knoffelhuisie, gekap
1 wortel, in ertjiegrootte-blokkies gesny
300 g maer biefmaalvleis
1 blik (400 g) gekapte tamaties
60 ml (¼ k) beesvleisaftreksel
5 ml (1 t) droë gemengde kruie
sout en peper
4 tortillas
’n hand vol gerasperde cheddarkaas

1. Plaas die ui, knoffel en wortel in ’n mikrogolfbestande bak. Meng die maalvleis met ’n vurk in en breek die vleis op tot al die bestanddele goed gemeng is. Bedek die bak met kleefplastiek en laat ’n klein opening sodat stoom kan ontsnap. Mikrogolf 3 minute op hoog.
2. Haal die bak uit, roer weer om die maalvleis op te breek, bedek en mikrogolf nog ’n minuut op hoog.
3. Voeg die tamaties, aftreksel en kruie in die bak. Meng goed, bedek weer en mikrogolf 3 minute op hoog. Geur met sout en peper.
4. Skep sowat 60 ml (¼ k) van die soutmaalvleis op elke tortilla. Rol styf op. Rangskik met die soomkant na onder op ’n gesmeerde mikrogolfbord. Strooi kaas oor die enchiladas en mikrogolf op hoog 2 minute of tot die kaas gesmelt en borrelrig is.

Genoeg vir 4 mense
Bereiding: 10 min.
Gaarmaaktyd: 25 min.

4 aartappels
60 ml (¼ k) olie
1 rooi ui, in skywe gesny
15 ml (1 e) bruinsuiker
15 ml (1 e) balsemieke asyn
8 varkworsies
1 blik (400 g) sousbone
5 ml (1 t) paprika
20 g botter
sout en peper
slaaiblare vir voorsit

1. Was die aartappels en prik dit oraloor met ’n vurk. Droog goed af en rangskik op ’n mikrogolfbestande bord. Bedruip met die helfte van die olie en mikrogolf 4 minute op vol krag.
2. Droog die aartappels met papierhanddoek af. Plaas weer op die bord met die ander kant na bo en mikrogolf 4 minute op vol krag.
3. Haal die bord uit die mikrogolf en laat staan 2 minute. Prik die aartappels in die middel om dit kyk of dit sag is. As dit nie deurgaar is nie, mikrogolf nog ’n paar minute.
4. Plaas die ui in ’n gesmeerde mikrogolfbestande bak en mikrogolf 2 minute op hoog. Strooi die suiker en asyn oor die ui en mikrogolf nog 4 minute of tot die ui glansend is.
5. Plaas die worsies op ’n bord en giet die oorblywende olie oor. Mikrogolf 5 minute op hoog of tot deurgaar.
6. Plaas die sousbone en paprika in ’n mikrogolfbestande bak en mikrogolf 2 minute op hoog of tot deurwarm.
7. Sny die aartappels oop, sit ’n blerts botter op elkeen en geur met sout en peper. Giet die bone oor. Bedek met die wors en die uie en strooi die slaaiblare oor.

Genoeg vir 4 mense
Bereidingstyd: 15 minute
Gaarmaaktyd: 15-17 minute

2 skorsies, gehalveer, maar behou die pitte
125 ml (½ k) gekapte ui
2 knoffelhuisies, fyngedruk
1 bol vinkel of 2 stele seldery, in ringe gesny
olie
spinasie, in dun repies gesny
15 ml (1 e) tiemieblaartjies
125 ml (¼ k) gaar bruinrys
1 groot rooi appel, in dun skyfies gesny
SOUS
45 ml (3 e) olyfolie
5 ml gekapte tiemieblaartjies
15 ml (1 e) appelasyn, suurlemoensap of lemmetjiesap
30 ml (2 e) saadmengsel (met vlassaad)

1. Rangskik die skorsies op ’n bord en mikrogolf 10-12 minute tot gaar.
2. Mikrogolf die ui, knoffel, vinkel of seldery in ’n bietjie olie in die mikrogolfoond tot net sag; sowat 2-3 minute op hoog. Roer dan en wan.
3. Meng die spinasie, tiemie en rys by die uiemengsel. Skep die pitte uit die gaar skorsies, skep die vulsel in en rangskik die appel bo-op.
4. Sous Mikrogolf die olyfolie, tiemie en asyn 45 sekondes en sprinkel oor die vulsel.
5. Verhit die gevulde skorsies 1-2 minute tot lekker warm. Sprinkel die saadmengsel net voor opdiening oor.

Tradisionele melkkos wat van snysels gemaak is, is voorheen skertsend stingelom-die-smoel genoem.

Genoeg vir 6-8 mense
Bereiding: 10 minute
Gaarmaaktyd: 20-25 minute

100 ml (70 g) sago
1 liter (4 k) melk
30 ml (2 e) botter
2 eiers, geskei
75 ml (5 e) koekmeel
20 ml (4 t) vlapoeier
2 ml (½ t) sout
125 ml (½ k) water
60 ml (¼ k) suiker
2 ml (½ t) fyn kaneel

1. Plaas die sago en 250 ml (1 k) van die melk in ’n mikrogolfvaste glasbak en mikrogolf 2½ minute op hoog. Roer goed en laat ’n rukkie staan.
2. Voeg die oorblywende melk en botter by en mikrogolf nog 15 minute. Roer ná elke 5 minute.
3. Klits die res van die bestanddele behalwe die eierwitte saam en roer by die sagomengsel in. Mikrogolf 6 minute en roer ná die eerste 3 minute.
4. Klits die eierwitte styf en vou by die sagomengsel in. Sit warm voor saam met kaneelsuiker.

WENK
Jy kan ook ’n kaneelstokkie en 2 kardemomsade by die melk voeg. Verhit tot louwarm en verwyder die speserye.

LEWER 1 groot ringkoek
Bereiding: 10 minute
Gaarmaaktyd: 12-14 minute

KOEK
250 ml (1 k) koekmeel
5 ml (1 t) bakpoeier
5 ml (1 t) koeksoda
5 ml (1 t) fyn kaneel
2 ml (½ t) sout
200 ml bruinsuiker
2 eiers, geklits
180 ml (¾ k) kookolie
5 ml (1 t) vanieljegeursel
100 g neute, gekap
2 appels, gerasper
500 ml (2 k) wortels, gerasper
ROOMKAASVERSIERSEL
Sien onder hoe om te maak

Spuit ’n mikrogolfringpan (of gebruik ’n silikoonpan) en voer die boom met bakpapier uit.

1. KOEK Sif die droë bestanddele saam in ’n mengbak.
2. Klits die bruinsuiker, eiers, olie en vanieljegeursel saam en giet oor. Meng deur.
3. Voeg die res van die bestanddele by en meng deur. Skep in die voorbereide pan.
4. Plaas op ’n omgekeerde piering in die mikrogolfoond en mikrogolf 12-14 minute op hoog of tot die koek effens wegtrek van die kante van die pan. Keer uit op ’n draadrakkie.
5. ROOMKAASVERSIERSEL Berei die versiersel en smeer oor koek.

Maak so roomkaasversiersel
Meng 60 ml (¼ k) botter en 250 g roomkaas baie goed met ’n klitser of houtlepel. (Albei bestanddele moet by kamertemperatuur wees.) Voeg 5 ml (1 t) vanieljegeursel by en meng weer goed. Sif 125 ml (½ k) versiersuiker bo-oor terwyl jy steeds meng tot die mengsel baie glad is.

Roer die blatjang aan die begin omtrent elke minuut sodat die suiker heeltemal opgelos het voor die mengsel begin kook. Dit keer dat die mengsel sandsuiker word.

Lewer sowat 300 ml
Bereiding: 30 minute
Gaarmaaktyd: 15-20 minute

200 g mango, in blokkies gesny
1 ui, in blokkies gesny
125 ml (½ k) witwynasyn
250 ml (1 k) sagte bruinsuiker
2 ml (½ t) masala
3 ml (ruim ½ t) borrie
2 knoffelhuisies, fyn gekap
1 kaneelstokkie

1. Plaas al die bestanddele in ’n glasbak geskik vir die mikrogolfoond.
2. Mikrogolf die mengsel sowat 20 minute. Roer die mengsel elke 5 minute. As jy die blatjang te lank kook, word dit taai en stroperig. Giet ’n bietjie water by en roer tot die water in die stroop opgelos het.
3. Skep die blatjang in ’n gesteriliseerde bottel met ’n deksel en verseël.

Pleks van met jogurtsous kan dié patats voorgesit word met ’n salsa van gekapte appel, koljanderblare en sprietuie.

Genoeg vir 6-8 mense
Bereiding: 10 minute
Gaarmaaktyd: 20 minute

PATATS EN SOUS
6-8 rooi of oranje patats, geskil
60 ml (¼ k) sonneblomolie
1 rooi-ui, fyn gekap
2 knoffelhuisies, fyn gedruk
5 ml (1 t) komynsaad
5 ml (1 t) mosterdsaad
60 ml (¼ k) lemmetjiesap
30 ml (2 e) sesamolie
15 ml (1 e) vissous
60 ml (¼ k) heuning
OM VOOR TE SIT
1 komkommer
125 ml (½ k) Griekse jogurt
geroosterde sesamsaad
granaatpitte (opsioneel)

1. PATATS EN SOUS Prik die patats en plaas dit in ’n mengbak. Meng al die bestanddele vir die sous en giet dit oor. Mikrogolf 15-20 minute tot net sag en gaar.
2. OM VOOR TE SIT Rasper die komkommer, dreineer dit goed en meng dit met die jogurt. Skep oor die patats en sprinkel die sade en granaatpitte (indien verkies) oor.

WENK
Rond die gereg met vars koljanderblare af.

’n Bros basis met soet, taai karamel en sjokolade bolaag – smullekker genot

Lewer 9
Bereiding: 30 min.
Verkoel: 3 uur
Bak: 15 min.

250 g sjokoladekoekies
125 g botter, gesmelt
120 g droë bosbessies of rosyntjies
VULSEL
50 g botter, gekap
60 ml (¼ k) bruinsuiker
1 x 385 g-blikkie kondensmelk
BOLAAG
250 g melksjokolade, gekap
80 ml (⅓ k) dik room

1. Besmeer ’n 4 x 19 cm vierkantige bakpan met olie. Voer die bodem en kante uit met bakpapier en laat dit oor die rand aan alle kante hang.
2. Maal die koekies fyn in ’n menger tot dit soos fyn broodkrummels lyk. Voeg die gesmelte botter by. Meng goed. Druk die mengsel met die agterkant van ’n metaallepel oor die bodem van die bereide pan. Plaas ’n kwartier in die koelkas.
3. Rangskik die bosbessies of rosyntjies op die koekiemengsel.
4. Vulsel: Verhit die gekapte botter, suiker en kondensmelk in ’n kastrol oor matig lae hitte, roer sowat 10 minute gedurig om te verhoed dat dit vassit of tot die mengsel dik en goudbruin is. Gooi die bosbessies of rosyntjies oor. Gebruik die agterkant van die lepel om die bolaag glad te maak. Plaas 10 minute in koelkas.
5. Bolaag: Sit die sjokolade en room in ’n mikrogolfvaste bakkie en mikrogolf 30 sekondes tot een minuut op 100-persent-krag , roer ’n keer of wat met ’n metaallepel of tot die mengsel glad is.
6. Smeer die sjokolademengsel oor die afgekoelde vulsel. Bedek en plaas drie uur in die koelkas of tot dit stol. Sny in stukke.

 Deur: Hope Malau
Foto: Jacques Stander

Lewer 1 koppiekoekie

Bereiding: 5 minute
Baktyd: 3 minute

60 ml (¼ k) koekmeel
60 ml (¼ k) suiker of versoeter
30 ml (2 e) kakao
2 eierwitte, effens geklits
45 ml (3 e) vetvrye melk
45 ml (3 e) appelmoes
1 ml (¼ t) vanieljegeursel
versiersuiker, kakao of gesmelte sjokolade vir afronding (opsioneel)

Spuit ’n groot koffiekoppie met kossproei.

1. Skep die meel, suiker of versoeter en kakao in die koppie en meng goed.
2. Voeg die eierwitte by en meng goed.
3. Voeg die melk, appelmoes en vanieljegeursel by en meng goed.
4. Mikrogolf 3 minute op hoog tot dit effens van die kante wegtrek.
5. Laat effens afkoel en sif ’n bietjie versiersuiker of kakao oor of smeer die gesmelte donkersjokolade oor indien verkies.

Glo dit of nie, maar dit gaan jou minder as 15 minute neem om hierdie nagereg voor te berei.

GENOEG VIR 4 MENSE
Bereiding: 10 minute
Gaarmaaktyd: 1-2 minute

125 ml (½ k) bruismeel
125 ml (½ k) suiker
60 ml (¼ k) kakao
2 eiers
90 ml (6 e) melk
90 ml (6 e) olie
5 ml (1 t) vanieljegeursel
vla vir voorsit

Sif die droë bestanddele saam in ’n mengbak.
Voeg die res van die bestanddele een vir een by, meng goed deur en skep in 4 koppies.
Plaas die 4 koppies in die mikrogolfoond en mikrogolf 1-2 minute of tot die poedings net gaar is.
Sit voor met vla of room.

WENK
Voeg 25 ml (5 t) gekapte pekanneute by die poeding.

Hierdie soet lekkerte is baie maklik om te maak en ideaal om kinders en vriende met ’n suikertand mee te bederf.

Lewer 24 blokkies
Bereiding: 5 min.
Gaarmaak: 2 min.

500 ml (2 k) grondbone, gerooster
300 g malvalekkers
300 g melksjokolade, in stukke gebreek
15 g botter
385 g kondensmelk

Voer ’n 23 x 23 cm-pan oraloor met bakpapier uit.

1. Plaas die grondbone en malvalekkres in ’n groot mengbak en meng goed. Sit eenkant.
2. Plaas die sjokoladestukke, botter en kondensmelk in ’n mikrogolfbestande bak. Mikrogolf 1 min. op hoog, haal uit en roer, en mikrogolf weer 1 min. Haal uit en roer tot die sjokolade heel gesmelt is.
3. Laat koel 2 min. af en roer dit by die malvalakker-en-grondboonmengsel in tot alles bedek is.
4. Sprei in die voorbereide pan uit en verkoel 2 uur in die yskas. Sny in blokkies.

Deur Hope Malau
Foto: Jacques Stander

Bak hierdie smullekker soet koek in ’n japtrap. Jy kan ook mangostukke by die deeg voeg.

Lewer 1 langwerpige koek
Bereiding: 10 min.
Gaarmaak: 6 min.

200 ml (¾ k) bruismeel
125 ml (½ k) strooisuiker
60 ml (¼ k) mangosap
30 ml (2 e) olie
1 eier, liggies geklits
60 ml (¼ k) melk
1 ml (¼ t) amandelgeursel
STROOP
(1 k) mangosap
(⅓ k) strooisuiker

1. Smeer ’n mikrogolfbestande silikoonbroodpan met ’n diepte van 7 cm.
2. Gooi die meel, strooisuiker, mangostap, olie, eier, melk en geursel in ’n bak. Meng stadig tot ’n dik beslag vorm en giet in die voorbereide pan.
3. Mikrogolf 6 minute op hoog of tot ’n toetspen skoon uitkom.
4. Stroop Meng die mangosap en strooisuiker in ’n kastrol en laat 2 minute oor matige hitte prut terwyl jy af en toe roer.
5. Keer die koek uit op ’n draadrak wat met bakpapier gevoer is. Bedruip die helfte van die stroop oor die koek en sit warm voor saam met die oorblywende stroop.

Deur Hope Malau
Foto: Jacques Stander

’n Wonderlike manier om oorskietvark voor te sit. Maak ’n vinnige sous in die mikrogolf, roer die vleis in en jy het binne minute ’n maaltyd.

30 ml (2 e) tamatiesous
15 ml (1 e) sojasous
15 ml (1 e) suiker
30 ml (2 e) witwynasyn
15 ml (1 e) mieliemeelblom
1 rooi brandrissie, gekap
1 groen brandrissie, gekap
100 g pynappel, geskil en in blokkies gesny
60 ml (¼ k) water
200 g varkfilet, gaar
rys en fyn gesnipperde sprietuie vir voorsit

1. Meng die tamatiesous, sojasous, suiker, asyn en mieliemeelblom in ’n mikrogolfbestande bak. Mikrogolf 30 sek. op volle krag.
2. Roer die brandrissies en pynappel in en mikrogolf 30 sek. op volle krag.
3. Voeg die water by en roer die vark in. Mikrogolf op volle krag 1 min. of tot die sous dik is. Sit voor op die rys en garneer met die sprietuie.

Deur Hope Malau
Foto: Jacques Stander

Dit lyk baie deftig,  maar is baie maklik om te maak. Beïndruk jou vriende en familie op ’n volgende byeenkoms.

Genoeg vir 6 mense
Bereiding: 10 min.
Vries: 4½ uur

1 L (4 k) vanieljeroomys, versag
300 g sjokolade-Whispers, plus ekstra vir voorsit
150 g sjokoladekoekies
80 g botter, gesmelt
100 g donker sjokolade
200 ml room, geklop

Skep die roomys in ’n broodpan met ’n diepte van 6 cm en maak die oppervlak glad.

1. Druk ’n enkellaag styf gepakte Whispers bo in. Vries 2 uur of tot ferm.
2. Maak die sjokoladekoekies fyn. Meng goed met die gesmelte botter. Druk oor die Whispers en vries 2 uur om te set.
3. Doop die bodem van die pan 2 sek. in warm water. Keer die koek op ’n plat bord of plank uit. Vries 30 min. of tot ferm.
4. Plaas die donker sjokolade en geklopte room in ’n hittebestande glasbak. Verhit op volle  krag in die mikrogolf terwyl jy elke minuut roer tot gesmelt.
5. Laat effens afkoel. Bedruip oor die koek. Bedek met ekstra Whispers.

Deur Hope Malau
Foto: Jacques Stander

LEWER 24 VRUGTEKOEKMUFFINS
Bereiding: 20-25 minute
Gaarmaaktyd: 4 minute per
6 op hoog

Sue Reader het al in 2005 vir ons dié trefferresep vir ’n mikrogolf-vrugtekoek gestuur.

Ons het dit in muffinpannetjies gebak – dan kos dit jou net 4 minute om ’n baksel van 6 te maak. Sue sê sy gebruik 2 bakke, elk 18 cm in deursnee en 6 cm diep. Sy voer elk met handdoekpapier uit en bak dit 18 minute op mediumhoog.

Onthou om dit op ’n omgekeerde bord in die oond te plaas.

500 g droëvrugtekoekmengsel
250 g dadels, fyn gekap
250 ml (1 k) sagte bruinsuiker
150 g botter, sag
250 ml (1 k) warm water
30 ml (2 e) kakao
10 ml (2 t) koeksoda
500 ml (2 k) bruismeel
5 ml (1 t) gemengde speserye
1 ml (¼ t) sout
3 ekstragroot eiers, geklits
150 ml brandewyn
250 ml (1 k) gemengde neute, grof gekap
100 g glanskersies, grof gekap
versiersuiker vir afronding

1. Plaas die vrugtekoekmengsel, dadels, suiker, botter, water en kakao in ’n mikrogolfoondbak en plaas dit 4 minute in die mikrogolfoond. Roer goed en mikrogolf nog 4 minute.
2. Roer die koeksoda by en laat afkoel.
3. Sif die meel, gemengde speserye en sout en vou by die mengsel. Roer die eiers, brandewyn, neute en kersies by en skep die holtes van gespuite silikon-muffinpannetjies driekwart vol.
4. Bak 4 minute op ’n slag op hoog. Herhaal met die res van die beslag. Stuif die versiersuiker oor.

1. Blitsblatjang in die mikrogolf
2. Eenkoppie-sjokoladekoek
3. Mikrogolf-vrugtekoek
4. Mikrogolf-wortelkoek
5. Mikrogolf-slaphakskeentjies
6. Spoggerige oosterse patats in die mikrogolf
7. Mikrogolfmieliebrood
8. Mikrogolf-souttertjies

Hierdie koek is nie net maklik om te bak nie; dit smaak ook heerlik, sê Tina van Winkel van Richardsbaai.

LEWER 10-12 BLOKKIES
Bereiding: 15 min.
Baktyd: 10-12 min.

KOEK
180 ml (¾ k) kookolie
2 eiers
200 ml bruinsuiker
250 ml (1 k) koekmeel
5 ml (1 t) bakpoeier
5 ml (1 t) koeksoda
5 ml (1 t) kaneel
2 ml (½ t) sout
5 ml (1 t) vanieljeekstrak
2 appels, geskil en gerasper
500 ml (2 k) fyn gerasperde wortel
100 g gemengde neute, gekap
VERSIERSEL
310 ml (1¼ k) versiersuiker, gesif
30 ml (2 e) suurlemoensap
vars kruisementblare

1. Koek Klits die olie en eiers saam.
2. Meng die oorblywende bestanddele, giet die eiermengsel in en roer tot al die droë bestanddele deurgemeng is.
3. Giet die mengsel in ’n silikoonbroodpan en bak 10-12 min. op 100 persent in die mikrogolf of tot ’n toetspen skoon uitkom. Plaas op ’n draadrak en laat afkoel.
4. Versiersel Meng die versiersuiker en suurlemoensap en sit eenkant.
5. Sny die koek in ewe groot vierkante en bedruip met die versiersel. Garneer met die kruisementblare en oorskietwortel.

‘n Heerlike en vinnige resep: meng, mikrogolf en geniet!

Lewer 24 bolletjies
Bereiding: 15 min.
Verkoel: 30 min.
Gaarmaak: 6 min.

FRIKKADELLE
500 g varkmaalvleis
Sout en peper
4-6 stingeluie, gekap
60 ml (¼ k) gekapte pietersielie
1 eier, geklits
25 g witbroodkrummels
SOUS
45 ml (3 e) suiker
45 ml (3 e) bruinasyn
15 ml (1 e) soetbrandrissiesous
125 ml (½ k) tamatiesous
15ml (1 e) sojasous
15ml (1 e) heuning
noedels vir voorsit

1. FRIKKADELLE Meng al die frikkadelbestanddele en vorm 24 frikkadelletjies. Verkoel 30 minute in die koelkas.
2. SOUS Meng al die sousbestanddele behalwe die noedels in ’n glasbak en mikrogolf 1 min.
3. Plaas 12 frikkadelle op ’n bord en mikrogolf 2½-3 min. tot net gaar. Herhaal met die res van die frikkadelle.
4. Voeg by die sous en meng deur. Sit voor op noedels.

Resep uit Huisgenoot Maalvleis Maklik, vinnig en goedkoop. KLIEK HIER om joune te bestel

‘n Goeie manier om hawermout en sade in die kinders se lywe te kry

Lewer: sowat 28 blokkies
Bereiding: 15 min.
Mikrogolf: 2-3 min. per bakkie

25 ml (5 t) gouestroop
200 ml margarien
500 ml (2 k) hawermout
250 ml (1 k) klapper
250 ml (1 k) koekmeel
250 ml (1 k) suiker
60 ml (¼ k) gemengde sade en neuter of ontbytsaadmengsel
125 ml (½ k) droë bosbessies of gekapte dadels

1. Spuit 4 klein glasbakke van 10 x 10 cm elk goed met kossproei.
2. Smelt die stroop en margarien 2 minute in ’n glasbak in die mikrogolfoond.
3. Meng die res van die bestanddele en voeg by die stroopmengsel.
4. Skep in die voorbereide bakke.
5. Mikrogolf elke bakkie 2-2½ min. op 100 persent-krag tot stewig en ’n ligte goudbruin. Pasop vir te lank; die koekies word van binne gaar en sal van binne brand.
6. Laat effens afkoel, sny in blokkies en bêre tot ’n maand in lugdigte houers wanneer heeltemal afgekoel.

Resep uit Huisgenoot Lekker Soet. KLIEK HIER om jou boekie te bestel

Lewer 1 koek
Bereiding 10 minute
Baktyd 12-15 minute

BESTANDDELE
250 ml (1 k) koekmeel
250 ml (1 k) suiker
15 ml (1 e) bakpoeier
1 ml (¼ t) sout
45 ml (3 e) kakaopoeier
5 ml (1 t) vanieljegeursel
250 ml (1 k) kookwater
60 ml (¼ k) olie
2 ekstragroot eiers, geklits
VERSIERSEL
200 g donkersjokolade, grof gekap
2 ml(½t) vanieljegeursel
60 ml (¼ k) water

Voer die boom van ’n oondvaste 2 L-glasbak of -silikoonpan met papierhanddoek uit.

1. Koek Sif die meel, suiker, bakpoeier, sout en kakao saam.
2. Meng die vanieljegeursel, kookwater, olie en eiers saam in ’n groot bak. Voeg die meelmengsel by en klits tot dit goed gemeng is.
3. Giet die beslag in die voorbereide houer. Plaas op ’n omgedraaide piering of mikrogolfstaander. Mikrogolf 12-15 minute teen 100 persent krag of tot die koek van die kante begin wegtrek. Laat die koek 2 minute staan.
4. Versiersel Plaas al die bestanddele in ’n glasbak en mikrogolf tot die sjokolade gesmelt het. Roer elke 30 sekondes. Klop tot glad en giet oor die afgekoelde koek.

BAK SO IN DIE MIKROGOLF
Toets ’n mikrogolfkoek elke drie minute omdat party oonde die koek vinniger laat gaar word as ander. Roer smeltende sjokolade elke 30 sekondes omvas te stel hoe ver dit gesmelt het.